മുത്ത് ബുളക്ക്; ജവാന്‍ മുത്ത് കോയയുടെ ഓര്‍മ്മകളുണര്‍ത്തി ഡോക്യുമെന്ററി


അമിനി: 1965ല്‍ ഇന്‍ഡോ പാക് യുദ്ധത്തില്‍ വീരമൃത്യു വരിച്ച ജവാന്‍ മുത്ത് കോയയുടെ ഓര്‍മ്മകളുണര്‍ത്തി ഡോക്യുമെന്ററി റിലീസ് ചെയ്തു.   അമിനി, കടമത് , കവരത്തി ദ്വീപുകളിലും കൊച്ചിയിലും കൂടാതെ അദ്ദേഹം പഠിച്ച കോഴിക്കോട് എലത്തൂര്‍ സി എം സി സ്‌കൂളിലുമെല്ലാം നിറഞ്ഞുനില്‍ക്കുന്ന മുത്ത് കോയയുടെ ഓര്‍മ്മകളാണ് ഡോക്യുമെന്ററിയുടെ അടിസ്ഥാനം. 

ദ്വീപിലെ ആദ്യ ജവാന്റെ ഓര്‍മ്മയ്ക്ക്  അമിനി ദ്വീപിലെ സ്‌കൂളിന് മുത്ത് കോയയുടെ പേര് നാമകരണം ചെയ്യുകയും ചെയ്തിരുന്നു. സ്വന്തം നാടിനെ ആത്മാര്‍ത്ഥമായി സ്‌നേഹിച്ച ആ ജവാന്‍ നാടിന്റെ ഉള്ളുതന്നെയാണ് എന്ന് മനസ്സിലാക്കിത്തരുന്ന ഡോക്യുമെന്റ്‌റിയില്‍ അദ്ദേഹത്തോട് ബന്ധം പുലര്‍ത്തിയവര്‍ ഓര്‍മ്മകള്‍ പങ്കുവെക്കുന്നു. ഏകദേശം രണ്ട് ആഴ്ച നീണ്ടു നിന്ന അമിനി ഫെസ്റ്റ് 2018ല്‍ വെച്ച് പ്രദര്‍ശനം നടത്തിയ "മുത്ത് ബുളക്ക്" ഡോക്യുമെന്ററിയാണ് ഇപ്പോൾ യൂട്യൂബിൽ റിലീസ് ചെയ്തിരിക്കുന്നത്.

അമിനി ദ്വീപുകാരനായ ദഹ്‌ലാന്‍ ലക്ഷദ്വീപാണ് ഡോക്യുമെന്‍ററിയുടെ സംവിധാനം നിര്‍വഹിച്ചിരിക്കുന്നത്. ശഹീദ് ജവാൻ മുത്തുക്കോയ മെമ്മോറിയൽ ഗവർമെന്റ്‌ സീനിയർ സെക്കന്ററി സ്കൂളാണ് ഡോക്യൂമെന്ററിയുടെ നിർമ്മാണം ഏറ്റെടുത്തത്. കാസിം ബി.സി, തബ്ഷീർ കവരത്തി എന്നിവർ ചേർന്ന് ക്യാമറ കൈകാര്യം ചെയ്ത ഡോക്യൂമെന്ററിയുടെ എഡിറ്റിംഗ് നിർവഹിച്ചിരിക്കുന്നത് വിപിൻ വിജയനാണ്. നൗഫർ ഖാൻ, ബിനോയ് കോട്ടക്കൽ, ശ്രീജിത് ചെറുശ്ശേരി, ദീപുപ്രസാദ്, സാഹിർ എന്നിവരാണ് ഡോക്യൂമെന്ററിയുടെ മറ്റ്‌ അണിയറ പ്രവർത്തകർ.

Labels: ,

Post a Comment

[facebook][disqus]

Author Name

Powered by Blogger.