ലക്ഷദ്വീപ് കടലില്‍ പുതിയ ചുഴലിക്കാറ്റ് രൂപമെടുക്കുന്നു
Job news
Advertise here
AL Jasari
Latest
Latest Post
ഗജ ചുഴലിക്കാറ്റ്; ലക്ഷദ്വീപിന് ജാഗ്രതാ നിര്‍ദേശം
ഇന്നും നാളെയും മണിക്കൂറില്‍ 40 മുതൽ 50 വരെ കിലോമീറ്റര്‍ വേഗത്തില്‍ കാറ്റ് വീശിയേക്കാം. ജാഗ്രത പുലര്‍ത്തണമെന്ന് ഭരണകൂടം നിര്‍ദേശം നല്‍കി. ഇന്നു വൈകിട്ടുമുതല്‍ മല്‍സ്യത്തൊഴിലാളികള്‍ കടലില്‍ പോകരുത്. കോസ്റ്റ് ഗാര്‍ഡും നാവികസേനയും മത്സ്യത്തൊഴിലാളികള്‍ക്കു മുന്നറിയിപ്പു നല്‍കണമെന്നും നിര്‍ദേശിച്ചു.
അഞ്ചുദിവസം മുമ്പ് ബംഗാള്‍ ഉള്‍ക്കടലില്‍, ചെന്നൈയില്‍നിന്ന് 925 കിലോ മീറ്ററോളം അകലെയാണ് 'ഗജ' ചുഴലിക്കാറ്റ് രൂപം കൊണ്ടത്. തമിഴ്നാട്ടിലെ കടലൂരിനും ആന്ധ്രയിലെ ശ്രീഹരിക്കോട്ടയ്ക്കും ഇടയില്‍ വീശുമെന്നായിരുന്നു ആദ്യ പ്രവചനം. പിന്നീട് കാറ്റിന്റെ ഗതിമാറി നാഗപട്ടണം, കടലൂര്‍ തീരത്തേക്ക് നീങ്ങുകയായിരുന്നു.
ബുധനാഴ്ച വൈകീട്ട് നാഗപട്ടണത്തില്‍ നിന്ന് 510 കിലോമീറ്റര്‍ അകലെ എത്തിച്ചേര്‍ന്ന കാറ്റ് വ്യാഴാഴ്ച പകല്‍ കരുത്താര്‍ജിക്കുകയായിരുന്നു. മണിക്കൂറില്‍ 13 കിലോമീറ്റര്‍ വേഗത്തിലായിരുന്ന കാറ്റിന്റെ ശക്തി 25 കിലോമീറ്ററിലെത്തി. വൈകുന്നേരം തീരത്തിന് 135 കിലോമീറ്റര്‍ അടുത്തെത്തിയതോടെ മഴ കനത്തു. വേഗം കുറഞ്ഞും കൂടിയും നിന്നതിന് ശേഷം അര്‍ധരാത്രിക്കുശേഷം കരയിലേക്ക് വീശുകയായിരുന്നു.
നാഗപട്ടണം അടക്കം കാറ്റ് ബാധിച്ച പ്രദേശങ്ങളില്‍ മുന്‍കരുതല്‍ നടപടികള്‍ ശക്തമാക്കിയത് ദുരിതത്തിന്റെ തീവ്രത കുറച്ചു. ദേശീയ ദുരന്തര നിവാരണസേനയും സംസ്ഥാന റവന്യൂ, പൊതുമരാമത്ത് അടക്കമുള്ള വകുപ്പുകളും മുന്‍ കരുതല്‍ നടപടികളും ദുരിതാശ്വാസ പ്രവര്‍ത്തനങ്ങളും ഏകോപിപ്പിച്ചു. റവന്യൂ വകുപ്പ് മന്ത്രി ആര്‍.ബി. ഉദയകുമാര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി. അപകട സാധ്യത മുന്‍കൂട്ടിക്കണ്ട് 63,203 പേരെ മാറ്റിപ്പാര്‍പ്പിച്ചിരുന്നു.
നാഗപട്ടണം, വേളാങ്കണ്ണി എന്നിവിടങ്ങളിലേക്കുള്ള തീവണ്ടി സര്‍വീസുകള്‍ റദ്ദാക്കി. വിദ്യാഭ്യാസ സ്ഥാപനങ്ങള്‍ അവധി പ്രഖ്യാപിച്ചത് കൂടാതെ സ്വകാര്യകമ്പനികള്‍ അടക്കം എല്ലാ ഓഫീസുകളിലെയും ജീവനക്കാര്‍ വൈകീട്ടോടെ വീടുകളിലേക്ക് മടങ്ങണമെന്ന് നിര്‍ദേശിച്ചിരുന്നു. വാഹനഗതാഗതവും നിര്‍ത്തിവെച്ചു.
മോഹന്‍ലാൽ ചിത്രം ലൂസിഫറിന്റെ ചിത്രീകരണം ലക്ഷദ്വീപിലും
ലൂസിഫറിലെ ഹീറോയും ഹീറോയിനും എന്ന അടിക്കുറിപ്പോടെ ലാലേട്ടനും മഞ്ജുവാര്യരും ഒരുമിച്ച് നില്‍ക്കുന്ന ചിത്രം പുറത്ത് വിട്ടു. ഇപ്പോള്‍ പുറത്തു വന്നിരിക്കുന്ന ചിത്രത്തിനും വലിയ സ്വീകാര്യതയാണ് ലഭിച്ചിരിക്കുന്നത്. ലൂസിഫറിന്റെ ഔദ്യോഗിക പേജിലാണ് മോഹന്‍ലാലും മഞ്ജു വാര്യരും ഒപ്പമുള്ള ചിത്രം പോസ്റ്റ് ചെയ്തിരിക്കുന്നത്. സിനിമയുടെ സംവിധായകന്‍ പൃഥ്വിരാജ് തന്നെയാണ് ഈ ചിത്രമെടുത്തിരിക്കുന്നത് എന്നതും പ്രത്യേകതയാണ്.
ബോംബെ, ലക്ഷദ്വീപ്, തിരുവനന്തപുരം, വാഗമണ്‍, വണ്ടിപ്പെരിയാര്‍, എറണാകുളം, ബെംഗളൂരു, ദുബായ്, തുടങ്ങിയവയാണ് സിനിമയുടെ ലൊക്കേഷനുകള്‍. ബോംബെയിലാണ് ലൂസിഫറിന്റെ ചിത്രീകരണം ഇപ്പോൾ നടക്കുന്നത്. മോഹന്‍ലാല്‍ അടക്കമുളള താരങ്ങള്‍ ബോംബെയില്‍ ജോയിന്‍ ചെയ്തു.
വലിയ മുതല്‍മുടക്കില്‍ ഒരുങ്ങുന്ന ചിത്രത്തിന്റെ തിരക്കഥ മുരളി ഗോപിയാണ്. പൊളിറ്റിക്കല്‍ ത്രില്ലര്‍ ഗണത്തില്‍പെടുന്ന സിനിമയാണ് ലൂസിഫര്‍. ബോളിവുഡ് താരം വിവേക് ഒബ്‌റോയി ആണ് വില്ലന്‍. ഇന്ദ്രജിത്ത്, കലാഭവന്‍ ഷാജോണ്‍, ടൊവിനോ, ഫാസില്‍, മംമ്ത, ജോണ്‍ വിജയ് എന്നിവരാണ് മറ്റുതാരങ്ങള്‍. മാര്‍ച്ച് 28ന് ചിത്രം തിയറ്ററുകളിലെത്തും.
ലക്ഷദ്വീപ് ഡെവലപ്‌മെന്റ് കോർപ്പറേഷനിൽ ധൂർത്ത് -സി.പി.ഐ.
പരാതി വ്യാപകമായ സാഹചര്യത്തില്‍ ഓഡിറ്റ് നടത്തി ക്രമക്കേടുകള്‍ ഇല്ലാതാക്കാന്‍ കേന്ദ്രസര്‍ക്കാര്‍ ഇടപെടണമെന്നും അദ്ദേഹം ആവശ്യപ്പെട്ടു. വര്‍ഷത്തില്‍ 500 കോടിയോളം രൂപയാണ് പൊതുഗതാഗത വകുപ്പില്‍ നിന്ന് എല്‍സിഡിഎല്ലിന് നല്കുന്നത്. എന്നാല്‍ കപ്പല്‍ഗതാഗത ചുമതല നിര്‍വഹിക്കുന്ന എല്‍ഡിസിഎല്‍ ഈ തുക മറ്റുപല ആവശ്യങ്ങള്‍ക്കുമാണ് വിനിയോഗിക്കുന്നത്. ധൂര്‍ത്ത് അധികമായിരിക്കുന്നു.
സ്വന്തമായി ഓഫിസുപോലുമില്ലാത്ത ഏജന്‍സികള്‍ക്കു ചുമ—തലകള്‍ കൈമാറി പണം പാഴാക്കുന്നു. എല്‍ഡിസിഎല്‍ ഗവേണിങ് ബോഡിയില്‍ എല്ലാ രാഷ്ട്രീയപ്പാര്‍ട്ടികളുടെയും പ്രതിനിധികള്‍ അംഗങ്ങളായിരുന്നു. ഇപ്പോള്‍ അവരെ ഒഴിവാക്കി. ലക്ഷദ്വീപിലെ എംപിക്കുപോലും പരിഗണന നല്‍കുന്നില്ല. നിലവില്‍ കുസാറ്റില്‍ ജോലിചെയ്യുന്ന ചിലരാണ് ഗവേണിങ് ബോഡിയിലെ അംഗങ്ങള്‍. ഇതിനുപിന്നിലും ദുരൂഹതയുണ്ടെന്നും നജുമുദീന്‍ ആരോപിക്കുന്നു.
ലക്ഷദ്വീപില്‍ പ്രവര്‍ത്തിക്കുന്ന രാഷ്ട്രീയപ്പാര്‍ട്ടികളുടെ പ്രതിനിധികളെ ഉള്‍പ്പെടുത്താനും കമ്പനിയുടെ അക്കൗണ്ട് കൊച്ചിയില്‍ നിന്നും കവരത്തിയിലേക്ക് മാറ്റണമെന്നും അന്യായമായ സ്ഥാനക്കയറ്റം റദ്ദാക്കുകയും ചെയ്യണമെന്നുമാവശ്യപ്പെട്ട് ഡിസംബര്‍ 12ന് എറണാകുളം പനമ്പിള്ളിനഗറിലെ എല്‍ഡിസിഎല്‍ ഓഫിസിനു മുന്നില്‍ നിരാഹാരസമരം നടത്തുമെന്നും നജുമുദീന്‍ അറിയിച്ചു.
കരുത്ത് തെളിയിച്ച് വീണ്ടും ആന്ത്രോത്ത് ഒന്നാമത്
ചെത്ത്ലത്ത്: ചെത്ത്ലത്ത് എ.പി.ജെ. അബ്ദുല്‍ കലാം മെമ്മോറിയല്‍ ഗവ: സീനിയര്‍ സെക്കണ്ടറി സ്കൂള്‍ സ്റ്റേഡിയത്തില്‍ നടന്ന 28-ാം ലക്ഷദ്വീപ് സ്കൂള്‍ ഗെയിംസിന് സമാപനം. 10 ദിവസം നീണ്ടുനിന്ന കായിക മാമാങ്കത്തില്‍ 225 പോയിന്റുമായി ആന്ത്രോത്ത് ഒന്നാം സ്ഥാനക്കാരായി. 144 പോയിന്റുമായി അമിനി രണ്ടാം സ്ഥാനത്തും 101 പോയിന്റുമായി കവരത്തി മൂന്നാം സ്ഥാനവും കരസ്ഥമാക്കി. 2004 മുതല്‍ തുടര്‍ച്ചയായി ചാമ്പ്യന്മാരാണ് ആന്ത്രോത്ത്.
സമാപന ചടങ്ങിൽ ലക്ഷദ്വീപ് കലക്ടര്‍ ശ്രി.വിജേന്ദ്ര സിങ്ങ് രാവട് മുഖ്യാത്ഥിതിയായി. ചടങ്ങിന് സ്പോര്‍ട്ട്സ് & യൂത്ത് അഫൈസ് ഓര്‍ഗനൈസര്‍ ശ്രീ.സലീം സ്വാഗതം ആശംസിച്ചു. തുടര്ന്ന് 28ാ മത് ലക്ഷദ്വീപ് സ്കൂള്‍ മീറ്റ് സെക്രട്ടറി ശ്രി. ബുസ്ഹര്‍ ജംഹര്‍ മീറ്റ് റിപ്പോര്‍ട്ട് അവതരിപ്പിച്ചു. ശ്രി.വിജേന്ദ്ര സിങ്ങ് രാവട്ട് (ഐ.എ.എസ്) 28ാ മത് ലക്ഷദ്വീപ് സ്കൂള്‍ ഗൈംസിന് തിരക്ഷീല വീണതായി പ്രഖ്യാപിച്ചു കൊണ്ട് മീറ്റ് ഫ്ലാഗ് 29ാ മത് ലക്ഷദ്വീപ് സ്കൂള്‍ ഗൈംസിന് ആതിഥ്യം വഹിക്കുന്ന അന്ത്രോത്ത് ടീം മാനേജര്‍ക്കു കൈമാറി.
പരിപാടിയില്‍ ലക്ഷദ്വീപ് ഡിസ്ട്രിക്ട് പഞ്ചായത്ത് വൈസ് പ്രസിഡണ്ട് ശ്രി.അബ്ബാസ് ഹാജി, സ്പോര്‍ട്സ് &യൂത്ത് അഫൈര്‍സ് സെക്രട്ടറി ശ്രി.എ.ഹംസ, സീനിയര്‍ അഡ്മിനിസ്ട്രറ്റീവ് ഓഫീസര്‍ രാകേശ് സിങ്ങാള്‍ (ഡാനിക്സ്), ചെത്ത്ലത്ത് പഞ്ചായത്ത് ചെയര്‍പേഴ്സണ്‍ ശ്രീമതി.റസീനാ.പി, ചെത്ത്ലാത്ത് സബ് ഡിവിഷണല്‍ ഓഫീസര്‍ ശ്രീ.മുഹമ്മദ് കോയ.ടിപി, എ.പി.ജെ. അബ്ദുല്‍ കലാം മെമ്മോറിയല്‍ ഗവ: സീനിയര്‍ സെക്കണ്ടറി സ്കൂള്‍പ്രിന്‍സിപ്പാള്‍ ശ്രി. ടോം മാത്യു, എ.എച്ച്.എം. സ്കൂള്‍ മാനേജ്മെന്‍റ് കമ്മിറ്റി ചെയര്‍മാന്‍ ശ്രി. മുഹമ്മദ് ഇക്ബാല്‍ എം.പി എന്നിവർ സംസാരിച്ചു. എ.പി.ജെ. അബ്ദുല്‍ കലാം മെമ്മോറിയല്‍ ഗവ: സീനിയര്‍ സെക്കണ്ടറി സ്കൂള്‍ വിദ്യാര്‍ത്തികള്‍ നടത്തിയ മാസ്സ് ഡിസ്പ്ലേ പരിപാടിക്ക് മാറ്റ് കൂട്ടി.
ഡിസ൦ബർ 10, 11 തിയതികളിൽ കവരത്തിയിൽ തൊഴിൽ മേള സംഘടിപ്പിക്കുന്നു
കവരത്തി: ലക്ഷദ്വീപ് ലേബർ എംപ്ലോയ്‌മെന്റ് ആൻഡ് ട്രെയിനിംഗ് വിഭാഗവും ലക്ഷദ്വീപ് ഡെവലപ്പ്മെന്റ് കോർപറേഷനും സംയുക്തമായി ലക്ഷദ്വീപിലെ ഉദ്യോഗാർത്ഥികൾക്ക് വേണ്ടി ഒരു തൊഴിൽ മേള സംഘടിപ്പിക്കുന്നു.
2018 ഡിസ൦ബർ മാസം 10, 11 തിയതികളിൽ കവരത്തി ദ്വീപിൽ സ൦ഘടിപ്പിക്കുന്ന തൊഴിൽ മേളയിൽ രജ്യത്ത 40 ലധികം പ്രമുഖ കമ്പനികൾ പങ്കെടുക്കുന്നു.
തൊഴിൽ മേളയിൽ പങ്കെടുക്കാൻ താല്പര്യമുള്ളവർ നവ൦ബർ 12 മുതൽ 25 വരെ ഉള്ള ദിവസങ്ങളിൽ തൊഴിൽ മേളക്ക് വേണ്ടി പ്രതേകം തയ്യറാക്കിയ http://jobfairutl.com എന്ന വെബ്സൈറ്റ് പോർട്ടലിൽ ഓൺലൈൻ റെജിസ്ട്രേഷൻ നടത്തേണ്ടതാണ്. നേരത്തെ തൊഴിൽ മേളക്ക് പേര് റെജിസ്ട്രർ ചെയ്തവരും ഈ പോർട്ടലിൽ ഓൺലൈൻ റെജിസ്ട്രേഷൻ നടത്തിയിരിക്കണം. ഓൺലൈൻ റെജിസ്ട്രേഷൻ ചെയ്ത പ്രിന്റ് കോപ്പി കവരത്തി Labour & Employment ലും മറ്റു ദ്വീപുകളിൽ അതാത് Typewriting cum Computer Training Center ൽ ഏല്പിക്കേണ്ടതാണ്.
കൂടുതൽ വിവരങ്ങൾക്ക് 04896-263402 എന്ന നമ്പറിൽ ബന്ധപ്പെടാവുന്നതാണ്.
Subscribe to:
Posts (Atom)
Education
Politics
Special
Advertise here
Religious
Technology
Literature
Sports
Articles
Movie
gallery