AL Jasari

ന്യൂഡൽഹി: ഡൽഹി പോലീസിലെ മലയാളികളുടെ കൂട്ടായ്മയായ കൈരളി വെൽഫയർ ആൻഡ്‌ കൾച്ചറൽ സൊസൈറ്റിയുടെ നേതൃത്വത്തിലുള്ള സെവൻസ് ഫുട്‌ബോൾ ടൂർണമെന്റിൽ അണിനിരക്കാൻ ഫിഫാ ലക്ഷദ്വീപ് ടീമും. ഫുട്‌ബോൾ ടൂർണമെന്റ് മാർച്ച് മൂന്നിനു നടക്കും. രാവിലെ ഒമ്പതിന് കിങ്‌സ്‌വെ ക്യാമ്പ് പോലീസ് സ്പോർട്‌സ് ഗ്രൗണ്ടിലാണ് മത്സരം.

ഫിഫ ലക്ഷദ്വീപ് ടീം ഉൾപ്പെടെ വികാസ്പുരി പോലിസ് ലൈൻ, കെ.ജി.എഫ്.ജി ദിൽഷാദ് ഗാർഡൻ, നൈൻസ്റ്റാർസ് ചാണക്യപുരി, സുഹൃത്‌സംഗം 95, ഫോർസ്- 1 എഫ്.സി., ഡി.ജെ 2 വാരിയേർസ്, ഫ്രന്റ്‌സ് 94 എന്നീ ടീമുകളാണ് ടൂർണമെന്റിൽ അണിനിരക്കുക. ജേതാക്കൾക്ക് കാൽലക്ഷം രൂപയും ട്രോഫിയും സമ്മാനിക്കും. രണ്ടാം സ്ഥാനക്കാർക്ക് 15,000 രൂപയ്ക്കു പുറമെ, മികച്ച ഗോൾകീപ്പർക്കും ടോപ് സ്‌കോറർക്കുമൊക്കെ സമ്മാനങ്ങളുണ്ടാവും.

കടപ്പാട്: മാതൃഭൂമി

ആന്ത്രോത്ത് ദ്വീപിലെ എ ടി എം കൗണ്ടർ പ്രവർത്തനരഹിതമായി ആഴ്ചകൾ പിന്നിടുന്നു. പതിവുപോലെ ഈ മാസവും എ ടി എം കൗണ്ടറിൽ നിന്നും പണം പിൻവലിക്കാൻ പറ്റാതെ ദിവസങ്ങൾ പിന്നിടുന്നു. ആന്ത്രോത്ത് ദ്വീപിലെ സിൻഡിക്കേറ്റ് ബാങ്കിന്റെ രണ്ടു എ ടി എം കൗണ്ടറുകളുടെയും അവസ്ഥ ഇതു തന്നെയാണ്.ദിവസങ്ങളായി പണം പിൻവലിക്കാൻ പറ്റാതെ നാട്ടുകാർ പ്രതിസന്ധിയിലാണ്.മാസത്തിൽ പകുതി ദിവസങ്ങളിൽ മാത്രമേ ഈ രണ്ടു എ ടി എം പ്രവർത്ഥിക്കുന്നുള്ളൂ എന്നാണ് നാട്ടുകാരുടെ പ്രതികരണം.ഒരേ സമയം രണ്ടു എ ടി എം കൾ പ്രവർത്തിക്കുന്നത് കാണാൻ പറ്റില്ലതാനും.എല്ലാ മാസങ്ങളിലും ഒരാഴ്ച്ച പിന്നിടുമ്പോൾ എ ടി എം ന് ഏതെങ്കിലും പ്രശ്നം സംഭവിക്കുന്നത് സർവ സാധാരണയാണ്. നെറ്റ് ഇല്ലാ, മെഷീൻ പ്രശ്നം, ഒന്നിൽ പൈസയുണ്ടെങ്കിൽ മറ്റേതിൽ പൈസയില്ലാ, ഇങ്ങിനെ ഓരോരോ കാരണങ്ങൾ പറഞ്ഞു വേണ്ടപ്പെട്ടർ ഒഴിഞ്ഞു മാറുന്നത് സ്ഥിരം കാഴ്ച്ചയാണ്. വൻകരയിൽ നിന്നു മെക്കാനിക്ക്മാർ വന്നു മെഷീൻ പ്രശ്നം പരിഹരിച്ചു പോവുകയും കുറഞ്ഞ ദിവസത്തെ പ്രവർത്തനത്തിന് ശേഷം എ ടി എം കൾ വീണ്ടും പഴയ അവസ്ഥയിലേക്ക് മാറുന്നതും സ്ഥിരം കാഴ്ച്ചയായി മാറിക്കൊണ്ടിരിക്കുന്നു. ഈ ഒരു പ്രശ്നത്തിന് പരിഹാരം കിട്ടാതെ ഏറെ മാസങ്ങളായി നാട്ടുകാർ പ്രതിസന്ധിയിലാണ്. അടിയന്തിരമായി അധികൃതർ ഇടപെട്ട് എ.ടി.എം കൗണ്ടറുകളുടെ പ്രവർത്തനം സജ്ജമാക്കണമെന്ന ആവശ്യം ശക്തമാണ്.